Міжнародны дзень роднай мовы
21 лютага ва ўсім свеце па ініцыятыве ЮНЕСКА адзначаецца Міжнародны дзень роднай мовы. Той момант, калі жыхары кожнай краіны свету імкнуцца гаварыць на сваёй роднай мове.
Штогод у гэты дзень з мэтай папулярызацыі і пашырэння сферы выкарыстання беларускай мовы, выхавання ў навучэнцаў нацыянальнай самасвядомасці, фарміравання матывацыі да ўдзелу ў актыўнай творчай дзейнасці ва ўстановах адукацыі праходзіць шэраг мерапрыемстваў, прысвечаных роднай мове: сустрэчы з пісьменнікамі і паэтамі, літаратурныя гасцёўні, лінгвістычныя віктарыны, конкурсы чытальнікаў вершаў і выканаўцаў музычных твораў на вершы беларускіх пісьменнікаў, уласных твораў, прысвечаных мове.
Варта адзначыць, што цiкавасць да нашай роднай мовы паступова расце. Зараз па-беларуску гавораць не толькі ў літаратурных колах. Яе актыўна ўжываюць у сферы бізнесу, рэкламе, а таксама ў інтэрнэт-прасторы.
